ताप्लेजुङ, २०७९ माघ १०
ताप्लेजुङ जिल्लामा हालै उत्पन्न असहज सुरक्षागत परिस्थितिलाई ध्यानमा राख्दै जिल्ला प्रशासन कार्यालय, ताप्लेजुङले चार स्थानमा निषेधाज्ञा लागू गरेको छ। प्रमुख जिल्ला अधिकारी नेत्रप्रसाद शर्माको हस्ताक्षर रहेको आदेशअनुसार, निषेधाज्ञा अन्तर्गत परेका क्षेत्रमा तोकिएको समय अवधिभर कुनै पनि किसिमको भेला, प्रदर्शन वा भीडभाड गर्न नपाइनेछ।
प्रशासनको आदेश अनुसार, निषेधाज्ञा फुङलिङ नगरपालिका र काबेली क्षेत्रका चार स्थानमा लागू हुनेछ।
फुङलिङ नगरपालिका बजार क्षेत्रअन्तर्गत पूर्वतर्फ फुङलिङ नगरपालिका वडा नं. ५, तल्लेरी, पश्चिमतर्फ फुङलिङ नगरपालिका वडा नं. ७, ओढारे (प्लाइ धार क्षेत्रसम्म), उत्तरतर्फ फुङलिङ नगरपालिका वडा नं. ५, उदयपुरानी, र दक्षिणतर्फ फुङलिङ नगरपालिका वडा नं. ६, श्रीमती टोल (मेटेरी कन्ज्युमर टोल) सम्म निषेधाज्ञा लागू गरिनेछ।
काबेली क्षेत्रअन्तर्गत बलुवाखर्क क्षेत्रमा निषेधाज्ञा लागू हुनेछ, जसअनुसार पूर्वतर्फ पर्यटन प्रहरीको भवनदेखि १०० मिटर क्षेत्र, पश्चिमतर्फ बलुवाखर्क ढुंगे इलाका, उत्तरतर्फ केबलकार सेवा स्टेसन/पानी सुहान क्षेत्रदेखि १०० मिटर, र दक्षिणतर्फ नयाँ बस्ती क्षेत्र (झोलुङ्गे पुल क्षेत्र) सम्म निषेधाज्ञा लगाइएको छ।
प्रशासनका अनुसार, जारी आदेश उल्लङ्घन गर्ने व्यक्तिहरूलाई कानुनी कारबाही गरिनेछ। साथै, स्थानीय प्रशासनले सबै नागरिकलाई निषेधाज्ञाको पूर्ण पालना गर्न अनुरोध गरेको छ।
बिज्ञापन
बिज्ञापन
