पञ्चदेवल विनायक नगरपालिका–४ का १५ वर्षीय किशोर विनोद शाही गत बर्ष जेठ १७ गते देखी बेपत्ता भएका थिए ।
बिज्ञापन
स्थानीय तहको निर्वाचन पश्चात् जेठ १७ गते साँझ नेपाली कांग्रेस र नेकपा एमालेका कार्यकर्ताबिच पञ्चदेवल नगरपालिकाको कालिकास्थानमा भएको द्वन्द्वपछि बेपत्ता भएका शाहीको शव जेठ २१ गते शनिबार स्थानीयले फेला पारेका थिए ।
बिज्ञापन
मध्य पहाडी राजमार्गमा पर्ने पञ्चदेवल विनायक नगरपालिकाको वडा नम्बर ४ कुच्चीको भिरको खोँचमा उनको शव फेला परेको थियो ।
मृतक किशोरका आफन्तले काँग्रेसको योजना अनुसार हत्या भएको आरोप लगाउँदै आएका छन् । विनोदको रहस्यमय तरिकाबाट मृत्यु भएको १ बर्ष पुरा भई सक्दा समेत मुद्दाको किनारा लाग्न सकेको छैन ।
बिज्ञापन
उनको हत्या अभियोगमा पुर्पक्षका लागी ४ जना कारागारमा रहेका छन् भने ५ जना अभियुक्त फरार रहेका छन् ।
मृतकका आफन्तले हत्या आरोपमा नगर प्रमुख अम्बिका चलाउने,जिल्ला समन्वय समिति उप प्रमुख दानमती बम शाही,निवर्तमान वडा अध्यक्ष सर्जन शाही,राम बहादुर शाही,नेत्र शाही,पृथ्वी शाही,देवेन्द्र शाही,महेन्द्र शाही,वीरेन्द्र शाही,द्रोपती शाही,शान्ति शाही,कर्ण शाही र अक्कल शाही विरुद्ध मुद्दा दर्ता गराएका थिए ।
विनोदको हत्यामा संलग्न भएको भन्दै मृतकका परिवारले १३ जना विरुद्ध मुद्दा दर्ता गरेकोमा नगर प्रमुख अम्बिका चलाउने,राम बहादुर शाही,नेत्र शाही विरुद्ध मुद्दा चलाउन प्रमाण नपुगेको भन्दै मुद्दा नचलाउने सरकारी वकिलको कार्यालयले निर्णय गरेको थियो ।
मुलुकी अपराध संहिता २०७४ को दफा ३१ अनुसारको प्रमाण नपुगेको भन्दै ३ जना विरुद्ध मुद्दा अघि नबढाउने सरकारी वकिलको कार्यालयले निर्णय गरेका थियो ।
फरार अभियुक्त अक्कल शाही प्रहरी नियन्त्रणमा
हत्या अभियोग पश्चात् फरार रहेका १ जनालाई प्रहरीले बिहीबार नियन्त्रणमा लिएको छ ।
गत वर्षको जेठ २१ गते मृत भेटिएका पंचदेवल विनायक नगरपालिका वडा नम्बर ४ कालिकास्थानका विनोद शाहीको हत्या अभियोग लागेका स्थानीय अक्कल बहादुर शाहीलाई बिहीबार प्रहरीले कालिकास्थानबाट नियन्त्रणमा लिएको हो ।
उनी विनोदको मृत्यु भए पश्चात् फरार रहेका थिए ।
केहि दिन यता गाउँघरमा लुकीछिपी बसिरहेको पीडित परिवारको गोप्य सूचनाका आधारमा उनलाई घर नजिकैबाट नियन्त्रणमा लिइएको प्रहरीले जानकारी दिएको छ ।
copy Paschim Raibar
